本帖最後由 TinG` 於 26-7-2012 16:57 編輯
形成暗瘡其實有好多因素,
1,青春期/油性皮膚 2,壓力 3,睡眠不足/太夜訓 4,飲食
後面果3樣真係幫唔到你,要靠你自己,
但如果係因為油性皮膚,我會建議你用返d潔面啫喱/foam呢類係專for油性皮膚,
好多時男仔唔睇會買洗面奶,但其實洗面奶係俾乾性皮膚用
洗面果陣千萬唔好用熱水,因為去油好勁,
之後你大腦會話俾你d皮膚知,你塊面無油,會出返十倍油出黎
所以熱水都係留返俾老母洗碗用~
洗完面一定要用爽膚水,而油性皮膚係要用有酒精成份先岩嫁,
不過市面上好多都寫住化妝水/收縮水之類,根本唔知邊支係有酒精,
我知無印良品有一支係for油性皮膚,一打開就聞到酒精味:handshake
之後擦番d cream已經可以,因為男仔保養好少會做咁足
如果你話想好d咪擦埋精華素先擦cream囉,但次序一定唔可以錯,
因為精華素既粒子係最細,一定要由細到大先吸收到
ps:1,使用任何護膚品都要清楚自己既皮膚係屬邊一類先,唔好人話好用就去試
(樓主明顯地係油性,其他人睇完都可以當參考既)
2,暗瘡針唔建議自己買黎用,因為處理得唔好好易留印,
真係想針清都係搵番專業人士,去下美容院果d啦 |