(第一期)巨商版作文活動收集帖-公開文章之作者

滿天星

(第一期)巨商版作文活動收集帖

第一期作文之主題：對巨商外掛之看法

我地想經過作文比賽黎觀察一下樂古會員既文筆

所以決定有四個玩法

一. 作品使用書面語參賽 字數不得少於200
每篇作品200樂點 會視乎作品再加以評分

二. 作品使用口語參賽 字數不得少於250
每篇作品150樂點 會視乎作品再加以評分

三. 作品使用文言文參賽 字數不得少於100
每篇作品底分200樂點 會視乎作品再加以評分

四. 作品可使用英語參賽 字數不得少於100
每篇作品底分200樂點 會視乎作品再加以評分

而在作品中亦會留意是否有錯別字 雖然不會作扣分 但亦會作個別提醒.

由於想觀察下大家既文筆 所以用書面語當然會高分d啦!

為左鼓勵大家嘗試下用文言文作文 所以再增設文言文參賽項目!

在版主評分後 將會公開所有作品給會員們投票
最佳的三名將會得200樂點作為獎賞。

參加表格：

1. [hide=9999999]
   
2. 1.文章使用的語法(書面語/口語/文言文/英語):
   
3. 2.作品內容:
   
4. [/hide]
   

複製代碼

1.參加者必須按「複製代碼」複制表格，否則取消資格。
2.每名會員只准參加一次
3.此帖只供參加者提交答題紙，嚴禁在此帖作出討論及回覆。
如要討論，請到集中帖。
4. 巨商版版主保留最終決定權。
5. 活動限期為十日。


結束時間為十二月十四日晚上十時正。

滿天星

1.文章使用的語法(書面語/口語/文言文/英語):口語
2.作品內容:

李煜就無言獨上西樓，我就無言獨上巨商．
對於外掛e兩隻字，其實我都已經冇乜野好講．
我玩左巨商都已經唔知幾多年，我諗六年掛，
果陣時攻城系統未似得而家咁可愛(簡單複雜化)．
果陣攻城只係企係座城格離就咁扑 扑下扑下又兩粒鐘，
而大行首同大房守城就麻煩d，要兩粒鐘係城入面不停手動補血．

果陣已經有傳話巨商有守城外掛，因為真係守得好快!
但冇證冇據，根本得個講字．而且當時外掛唔猖狂，
所以都懶得理呀!
後來，消工外掛開始慢慢普及，不過都只係某幾座大城．
而果幾座大城既廠既價格不斷升不斷升...
但的確冇影響到巨商任何既運作 ，
人流依然暢旺．

正所謂夕陽無限好，只是近黃昏．
唔知幾時開始，打怪外掛就出現左．
200lv兵呀，200lv甲呀，周圍都係．
回想起幾年前40lv一隻弓兵都已經賣成千萬既日子，
巨商已經被外掛改變...

外掛令到好多人退出巨商，
而且令到樂古既人流都大大減少，
由以前一千人以上變到得返而家最多七百人．
不過其實對我影響也不太大...反正我從來都只係吹水不打怪。

GM對於外掛既做法又係離譜．
我先唔講佢係唔係做樣比玩家睇或者做樣比佢上司睇．
人地升lv快少少就比佢封，
而一眼睇得出係外掛既佢就無動於衷，
咁你話有咩計?有咩計arrrr?

以下要借用一首詩黎表達我想講既野．

《浪淘沙》 李煜

簾外雨潺潺，春意闌珊。
羅衾不耐五更寒。
夢裡不知身是客，一晌貪歡。

獨自莫憑欄，無限江山，
別時容易見時難。
流水落花春去也，天上人間。

其實首詩就唔係話好難明既，
不過為免有人唔明我都簡單講一講啦．
上片頭一,二,三句意思係春雨下過不停,春天就快完了
係身上既羅衾都擋唔住半夜襲來的寒氣
第四句同第五句就係解做只係懂得在夢中享樂 已經忘記左現實
下片咁簡單相信唔洗解啦?
重點大約係人生離別的時候多麼容易，
但人總係唔識把握機會珍惜，
等到非常思念的時候卻又遙遙無期了．

返黎重點，講返我點解要引用e首詩先．
其實我e首詩係想比有用外掛既人睇．
我想同佢地講:
你地用外掛用過不停，就好似春天既雨水，
但春天始終都係會完的，你地始終都有一日會比人捉到，
唔好只懂得在夢中享樂，快d醒下啦!

而下片想講既就係當用外掛比人捉到既時候先黎後悔，
總係唔珍惜未比人捉既時候可以縣崖勒馬既時候...

樂古近排成日都有人開post話邊個邊個用外掛，
其實大家咁樣嘈黎都冇咩用．
比我地偉大既GM處理完，就自然有「結果」！
而結果係乜?我諗得GM自己知．
而我當然就希望個結果唔會係見到巨商因外掛而倒閉啦...

THANK YOU FOR READING MY ESSAY