其實自從開始展開新版塊/版主既討論後
以小弟每日均上線1次既情況所觀察
現時呢個巨商版(將來成為舊版)根本非常靜
基本上可以肯定除左超版/版主既高亮post外
由普通會員所開既post都係每日1個起2個止
惡化情況愈來愈嚴重 未來狀況可能更慘不隱睹
呢半個月黎仲話稍為有部份因港巨執笠而轉戰台巨既分享post作支撐
當遲下真係分左新舊兩區後 想像得出班老手仲有冇意欲討論
有心開post既人又怕冇其他人上黎欣賞
冇人開post冇人追post已經係惡性循環黎
講咁多都係想問一句老實說話
倘若區分左新舊兩版塊後真係咁不幸跌到平均每日都冇1個新post
請問超版你仲會唔會重新考慮將佢地整合番
其實諗番層 唔少老手雖然係因港巨執笠而正式退出任何巨
但假如有一班仲堅持緊玩台巨既曾經昔日好友願意開關於台巨既post
相信一眾老手都不乏滋味咁作交流討論
反正都係果句 唔通會因為港台服/版本進度不同就有代溝咩
有眼睇影圖分享向來最受歡迎 難道一眾老手系舊區分享遠古時代既圖
仲可以吸引到好多人黎欣賞?(回憶post另計) |